Madaxweynaha dalka Kenya Uhuru Kenyatta ayaa uguy baaqey Midowga Yurub iney kordhiyaan taageerada ay siinayaan ciidanka Midowga Afrika ee AMISOM.
Kenyatta ayaa sheegay in ciidamada AMISOM ay xabadka u dhigaan qatar walbo oo dhanka Al-shabaab ka timaada, sidaasi darteedna ay haboon tahay in la xoojiyo taageerada la siinayo ciidankaasi.
Madaxweynaha Kenya ayaa dhinaca kale sheegay in weli ay jirto qatarta Al-shabaab, ayna weli halis ku yihiin jiritaanka qaarada Afrika, waa sida uu hadalka u dhigaye.
“Waxaan ka dalbanayaa Midowga Yurub in la kordhiyo taageerada ay siiyaan ciidamada AMISOM, waa ciidan howlweyn haya, waxay dagaal kula jiraan Al-shabaab si gobolka u helo xasilooni waarta” ayuu yiri Kenyatta.
Ugu Dambeyn Madaxweynaha dalka Kenya Uhuru Kenyatta ayaa sheegay in dowladiisa ay sii wadi doonto dedaallada lagu doonayo in Al-shabaab looga tirtiro gobolka, isaga oo qiray in dhankooda dhibaato badan ay kaga imaaneyso Al-shabaab.
Goobjoog News