Magaalada Muqdisho ayaa laga dareemayaa gabaabsi ku yimid gaaska cuntada lagu karsado, iyadoo haamaha yar ee laga heli karo suuqyada ay qiimahoodu sare u kaceen boqolkiiba 42%, sida ay sheegeen dadka adeegsada.
Kororka qiimaha iyo yaraanta gaaska ayaa saameyn ku yeeshay qoysas badan, maqaayado iyo hoteello ku tiirsan gaaska.
Gaaska oo horey muhiim ugu ahaa nolol-maalmeedka shacabka ayaa hadda noqday mid adag in la helo.
Lama shaacin sababta rasmiga ah ee keentay yaraanta gaaskan cusub, balse arrintan ayaa shacabka ku soo beegantay xilli ay horeyba u jireen culaysyo dhinaca qiimaha nolosha ah.