Dowladda Ingiriiska ayaa ku dhawaaqday in diyaaradaha dagaalka ee Ciidanka Cirka Boqortooyada (RAF) ay ka qayb qaadan doonaan difaaca hawada Sacuudi Carabiya, iyadoo sheegtay in hawlgalladoodu ku koobnaan doonaan difaac, isla markaana aysan qayb ka noqon doonin weerarro ka dhan ah Xuutiyiinta.
Xoghayaha Difaaca Ingiriiska, Wes Streeting, ayaa cambaareeyay weerarrada Xuutiyiintu ku hayaan Sacuudiga, oo uu ku tilmaamay dal ay saaxiib yihiin Ingiriiska. Waxa uu sidoo kale sheegay in bartilmaameedsiga garoonka diyaaradaha ee Riyadh uu muujinayo halista weerarradaasi.
Streeting ayaa xaqiijiyay in diyaaradaha dagaalka ee nooca Typhoon ee RAF ay fulin doonaan hawlgallo difaac ah oo loogu talagalay ilaalinta hawada Sacuudiga.
Go’aankan ayaa imanaya iyadoo ay sii kordhayaan walaacyada amni ee gobolka, gaar ahaan weerarrada loo geysto dalalka Khaliijka iyo saameynta ay ku yeelan karaan xasilloonida gobolka.