Muqdisho — Saraakiil ka tirsan Ciidanka Booliska Soomaaliyeed ayaa xarunta Taliska Booliska loogu qabtay tababar ku saabsan hoggaaminta sare, isku-duwidda howlgalada, go’aan-qaadashada iyo isla-xisaabtanka.
Tababarkan ayaa diiradda lagu saarayaa xoojinta aqoonta iyo xirfadaha hoggaamineed ee saraakiisha, si kor loogu qaado hufnaanta maamulka, isku-duwidda howlaha amniga iyo awoodda go’aan-qaadashada marka ay jiraan xaalado kala duwan oo hawlgal.
Sidoo kale, tababarka ayaa muhiim u ah horumarinta isla-xisaabtanka iyo tayeynta habka ay saraakiishu u maamulaan una hoggaamiyaan howlaha Ciidanka Booliska Soomaaliyeed.
Tababarka ayaa qayb ka ah dadaallada lagu horumarinayo xirfadaha iyo awoodda hoggaamineed ee saraakiisha Booliska, si loo xoojiyo hufnaanta iyo waxqabadka hay’adda amniga.