Galka Geeska Africa

Dowladda Ruushka ayaa soo bandhigtay inay fududeyso wada-hadallo u dhexeeya dalalka Itoobiya iyo Eritrea, xilli ay sii kordhayaan xiisadaha u dhexeeya labada dal ee deriska ah.

Dowladda Itoobiya ayaa wada qorshe lagu ballaarinayo awoodda ciidankeeda badda, iyadoo diiradda la saarayo tayeynta tababarrada, dhismaha kaabeyaasha ciidanka iyo sameynta cutubyo gaar ah oo dagaal, si ay uga hortagto khataraha amniga una ilaaliso danaha qaranka.

WASHINGTON (Goobjoog News) — Xoghayaha Arrimaha Dibadda Mareykanka Marco Rubio ayaa Itoobiya iyo Eritrea ugu baaqay inay joojiyaan tallaabooyinka sii hurinaya xiisadda, khilaafkoodana ku xalliyaan waddo diblomaasiyadeed. Baaqa ayaa yimid…

Xoghayaha Arrimaha Dibadda Mareykanka, Marco Rubio, ayaa ku baaqay in dalalka Geeska Afrika ay ixtiraamaan madax-bannaanida iyo wadajirka dhuleed ee dalalka deriska ah, isla markaana ay ka fogaadaan tallaabooyinka xuduudaha looga gudbayo ee sii hurin kara colaadaha gobolka.

Xiisadda u dhexeysa Itoobiya iyo Eritrea ayaa sii xoogeysanaysa, kaddib markii ciidamada federaalka Itoobiya ay u dhaqaaqeen dhanka magaalada xuduudda ku taalla ee Zalambessa, iyadoo dagaallo hor leh oo dib uga soo cusboonaaday gobolka Tigray ay sare u qaadeen cabsi laga qabo iska horimaad militari oo dhex mara labada dal.

Dagaallada dib uga soo cusboonaaday gobolka Tigray ee waqooyiga Itoobiya ayaa sare u qaaday walaaca laga qabo xasilloonida Geeska Afrika, iyadoo doorka Imaaraadka Carabta iyo Sacuudi Carabiya ee xaaladda Itoobiya uu soo jiitay indhaha siyaasiyiinta iyo falanqeeyayaasha gobolka.

Dowladda Itoobiya ayaa Golaha Ammaanka ee Qaramada Midoobay u sheegtay inay qaadi doonto tallaabooyin ay ku difaacayso dalkeeda, iyadoo Eritrea ku eedeysay inay ciidamo u soo gudbisay gudaha waqooyiga Itoobiya, isla markaana ay qabsatay deegaanno ka tirsan gobolka Tigray.

Shirkadda diyaaradaha ee Ethiopian Airlines ayaa lagu wadaa inay maalinta Axadda dib u billowdo duulimaadyada isku xira caasimadda Itoobiya ee Addis Ababa iyo magaalada Mekelle ee xarunta gobolka Tigray.

Magaalada Mekelle, oo ah caasimadda gobolka Tigray ee waqooyiga Itoobiya, ayaa weli ka maqan maamul rayid ah oo si buuxda u shaqeynaya, maalmo kaddib markii ciidamada taageersan dowladda Itoobiya ay la wareegeen magaalada.

Diyaarado aan duuliye lahayn oo la tuhunsan yahay inay leeyihiin ciidamada Itoobiya ayaa la sheegay inay duqeeyeen gaadiid ay wateen ciidamo Eritrean ah oo ku sugnaa agagaarka magaalada Adigrat, ee gobolka Tigray, sida ay sheegtay hay’adda dabagalka colaadaha ee ACLED.