Midnimada Soomaaliya

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa wada-tashi diblumaasiyadeed kula yeeshay khadka taleefoonka Amiirka Dowladda Qatar Sheekh Tamiim binu Xamad.

WQ: Ayuub JafaalSharciyaqaan iyo Suxufi Si aan u fahanno waxa uu ka dhigan yahay aqoonsiga maamulka Soomaalilaan ee Israa’iil, waa in aynu marka hore fahan ka haysanno waxa uu sharciga…

​Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa xiriirro diblumaasiyadeed oo heerkiisu sarreeyo la sameeyey hoggaamiyeyaasha ugu horreeya ee Gobolka Bariga Afrika iyo Geeska Afrika. Wada-hadalladan oo dhacay maanta oo ay taariikhdu tahay 27-ka Diseembar, 2025, ayaa ujeedkoodu ahaa in looga falceliyo xadgudub ka dhan ah madax-bannaanida iyo midnimada dhuleed ee Soomaaliya kaas oo uga yimid dhinaca Ra’iisul Wasaaraha Yuhuudda.

Dowladda Qatar ayaa si cad uga hortimid ku dhawaaqista aqoonsiga labada dhinac ee u dhexeeya mas’uuliyiinta guumaysiga Israa’iil iyo gobolka Somaliland.

Wasaaradda Arrimaha Dibadda ee Jamhuuriyadda Ciraaq waxay si adag u cambaareysay aqoonsiga uu nidaamka Israa’iil u fidiyay waxa loogu yeero “Somaliland”, iyadoo tallaabadaas ku tilmaantay mid ka horimanaysa mabaadi’da sharciga caalamiga ah iyo xadgudub badheedh ah oo lagu sameeyay madax-bannaanida iyo midnimada dhuleed ee Jamhuuriyadda Soomaaliya.

Dowladda Kuwait ayaa si cad u diidday tallaabada ay maamulka Israa’iil ku sheegeen aqoonsiga Somaliland inay tahay dowlad madax-bannaan, iyadoo arrintaas ku tilmaantay mid si toos ah uga hor imaneysa sharciga caalamiga ah.

Afhayeenka rasmiga ah ee Wasaaradda, Ambassador Fouad Al-Majali, ayaa xaqiijiyay in Boqortooyadu ay si buuxda u diidantahay isku day kasta oo lagu doonayo in lagu soo rogo hay’ado is barbar socda oo khatar ku ah midnimada Soomaaliya iyo sharafta dhulkeeda ee Soomaaliya.

Madaxa Isgaarsiinta Madaxtooyada Türkiga, Burhanettin Duran, ayaa si adag u cambaareeyay hadalka Israa’iil ee ku saabsan aqoonsiga madaxbannaanida Soomaaliland, isaga oo ku tilmaamay tallaabo si cad ugu xadgudbeysa sharciga caalamiga ah.

Urur goboleedka dalalka bariga iyo Geeska Afrika ee IGAD ayaa si weyn uga soo horjeestay aqoonsiga Israa’iil ee Soomaaliland.

Go’aanka ay Israa’iil ku sheegtay inay ku aqoonsatay Sopmaaliland ayaa abuuray buuq diblumaasiyadeed oo xooggan, islamarkaana dhaliyay cambaareyn ballaaran oo ka timid dalal iyo ururro caalami ah.