Wararka Caalamka

Dagaallo culus ayaa dib uga qarxay gobolka Galbeedka Tigreega, ayadoo
Maamulka ku-meel-gaarka ah ee gobolka Tigree uu sheegay in ciidamada dowladda federaalka ay waaberigii weerar ka soo qaadeen dhanka magaalada Sheraro oo ku dhow xadka Suudaan.

Kooxda Xuutiyiinta Yemen ayaa si rasmi ah u beenisay wararka sheegayay inay qorsheynayaan inay lacag ka qaadaan maraakiibta ku goosha marin-biyoodka istaraatiijiga ah ee Bab al-Mandab, iyagoo caddeeyay in marinkaasi uu weli u furan yahay maraakiibta si lacag la’aan ah.

Maxkamadda Rafcaanka Federaalka ee Wareegga 9-aad ee Mareykanka ayaa go’aan ku gaartay in maamulka Madaxweyne Donald Trump uusan si toos ah ugu diidi karin muhaajiriinta lagu hayo gudaha dalka inay codsadaan dammaanad  si ay si ku-meel-gaar ah xorriyaddooda ugu helaan inta dacwadahooda socdaalka ay socdaan.

Dowladda Sacuudi Carabiya ayaa sheegtay inay, iyadoo iskaashi la sameynaysa Taliska Dhexe ee Ciidamada Mareykanka (CENTCOM), duqeymo bartilmaameed ah ka fulisay kooxo hubeysan oo ay ku tilmaantay kuwo ay Iiraan taageerto, kuwaas oo ku sugan gudaha Ciraaq.

Dowladda Yemen ee caalamku aqoonsan yahay ayaa ka digtay in kooxda Xuutiyiintu ay doonayso inay ku dayato istaraatiijiyadda Iiraan ee marin-biyoodka Hormuz, iyagoo isku dayaya inay gacanta ku dhigaan marin-biyoodka muhiimka ah ee Bab al-Mandeb, oo isku xira Badda Cas, Gacanka Cadmeed iyo Badweynta Hindiya.

Dowladda militariga ee Niger ayaa si kulul u eedeysay dowladda Faransiiska, iyadoo sheegtay inay hayso caddeymo muujinaya in Paris ay maalgelin iyo tababar siisay dagaalyahanno ka tirsan kooxda hubeysan ee Nusrat al-Islam wal-Muslimin (JNIM), oo ka dagaallanta dalal badan oo ka tirsan Galbeedka Afrika.

Ciidanka Dowladda Suudaan ayaa ku dhawaaqay inuu si buuxda dib ugu qabsaday waddada istaraatiijiga ah ee Al Sadarat, taas oo isku xirta caasimadda Khartuum iyo magaalada El-Obeid, kaddib laba maalmood oo dagaallo culus ay la galeen ciidamada gurmadka degdegga ah ee RSF.

Calaamado muujinaya in colaadda u dhexeysa Mareykanka iyo Iiraan iyo xulafadeedu ay sii ballaaraneyso ayaa soo baxay horraantii toddobaadkan, iyadoo weerarro cusub laga soo sheegay Badda Cas iyo Badda Caspian.

Maxkamad baaritaan oo ku taalla magaalada London ayaa soo saartay natiijada baaritaanka geerida Amiir Cabdullaahi bin Fahad bin Cabdullaahi bin Cabdulcasiis bin Jalawi Al Saud, iyadoo lagu sheegay inuu u geeriyooday isku-darka khamri iyo maandooriye kale, halka aan la helin wax caddeyn ah oo muujinaysa is dilid ama fal-dambiyeed.

Madaxweynaha Mareykanka, Donald Trump, ayaa sheegay in Washington iyo Boqortooyada Sacuudi Carabiya ay gaareen heshiis ku saabsan horumarinta tamarta nukliyeerka ee rayidka ah. Sida uu sheegay Trump, heshiiska ayaa la…