Liban Hirsi

Guddiga Madaxa-bannaan ee Doorashooyinka Qaranka iayaa shaaciyey jadwalka doorashada guddoonka Golaha Wakiillada Dowlad-goboleedka Galmudug iyo hoggaanka sare ee maamulkaas, kuwaas oo la qorsheeyey inay qabsoomaan inta u dhexeysa 13-ka iyo 22-ka Oktoobar 2026.

Dowladda Tanzania ayaa la filayaa inay bilaha soo socda soo gabagabeyso heshiiska mashruuc gaas dabiici ah oo ku kacaya 42 bilyan oo dollar, kaas oo la doonayo inuu dalka ka dhigo xarun muhiim u ah tamarta Bariga Afrika.

Guddoomiyaha Golaha Shacabka ee Baarlamaanka Federaalka Soomaaliya, Cabdulqaadir Maxamed Nuur (Jaamac), ayaa kulan la qaatay Guddiga Garsoorka, Awqaafta iyo Arrimaha Diinta ee Golaha Shacabka, kaas oo diiradda lagu saaray dib-u-eegista iyo casriyeynta Sharciga Ciqaabta Soomaaliya.

Xildhibaanadda Aqalka Wakiillada Mareykanka Ilhaan Cumar ayaa sheegtay in tallaabooyinka ka dhanka ah ay qayb ka yihiin isku day lagu beegsanayo dadka siyaasadda kaga soo horjeeda madaxweyne Donald Trump, isla markaana loo adeegsanayo hay’adaha sharciga federaalka arrimo siyaasadeed.

Xiisadaha amni ee ka jira Badda Cas iyo marin-biyoodka Hormuz ayaa sare u qaaday qiimaha shidaalka iyo kharashaadka gaadiidka badda, iyadoo suuqyada caalamku ay ka walaacsan yihiin suurtagalnimada weerarro kale oo lagu qaado maraakiibta, dhuumaha shidaalka iyo xarumaha tamarta ee Bariga Dhexe.

Senator-ka Mareykanka Bernie Sanders ayaa madaxweynaha dalkaas Donald Trump ku eedeeyay inuu isku dayayo inuu cabsi geliyo dadka siyaasadda kaga soo horjeeda, warbaahinta iyo cid kasta oo aan ku raacsanayn aragtidiisa, isaga oo arrintaas ku tilmaamay mid halis ku ah dimuqraadiyadda Mareykanka.

Dagaallada dib uga soo cusboonaaday gobolka Tigray ee waqooyiga Itoobiya ayaa sare u qaaday walaaca laga qabo xasilloonida Geeska Afrika, iyadoo doorka Imaaraadka Carabta iyo Sacuudi Carabiya ee xaaladda Itoobiya uu soo jiitay indhaha siyaasiyiinta iyo falanqeeyayaasha gobolka.

Dowladda Federaalka Soomaaliya ayaa sheegtay inay dhexdhexaad ka tahay xiisadda sii xoogeysanaysa ee u dhexeysa Itoobiya iyo Eritrea, iyadoo caddeysay inaysan doonayn inay qayb ka noqoto khilaafka labada dal, isla markaana ay muhiimad gaar ah siinayso xasilloonida iyo xal diblomaasiyadeed oo laga gaaro muranka taagan.

Xiisadda siyaasadeed ee u dhexeysa Dowladda Federaalka Soomaaliya iyo hoggaamiyeyaasha mucaaradka ayaa sii xoogeysatay, kaddib markii ciidamo amni la geeyey qaybo ka mid ah degmada Wadajir ee magaalada Muqdisho, gaar ahaan waddooyinka ku dhow guryaha ay deggan yihiin qaar ka mid ah madaxda hore ee dalka.

Dowladda Itoobiya ayaa daahfurtay warshaddii ugu horreysay ee dalkaas u qaabilsan sifaynta dahabka, iyadoo tallaabadan lagu doonayo in dalka uu qiimo dheeraad ah ka helo kheyraadkiisa dabiiciga ah, halkii uu dahabka aan la sifayn dibadda ugu dhoofin lahaa